Վրաստանի ԶՈւ արևելյան հրամանատարությունը նոր հրամանատար ունի

Վրաստանի զինված ուերի ցամաքային զորքերի Արևելյան հրամանատարության հրամանատար է նշանակվել գնդապետ Ալեքսանդր Կիկնաձեն: Նրան ԶՈւ Արևելյան հրամանատարության 4-րդ մեխանիզացված բրիգադի (տեղակայված է Վազիանի ռազմաբազայում) զինծառայողներին են ներկայացրել Վրաստանի պաշտպանության նախարար Լևան Իզորիան և ԶՈւ ԳՇ պետ, գեներալ-մայոր Վլադիմեր Չաչիբաիան: Այս մասին այսօր՝ սեպտեմբերի 7-ին, տեղեկացնում է Վրաստանի պաշտպանության նախարարության պաշտոնական կայքը:

Ինչպես նշվում է հաղորդագրության մեջ` Կիկնաձեն փոխարինել է 2016 թվականի մարտից այդ պաշտոնը զբաղեցնող գնդապետ Շավլևո Տաբատաձեին:
Հաղորդագրությանը կցված նկարներից երևում է, որ միջոցառմանը ներկա են եղել նաև պաշտպանության նախարարի առաջին տեղակալ Լելա Չիքովանին, ԳՇ պետի տեղակալ, բրիգադի գեներալ Շալվա Ջաբախիձեն, մի շարք այլ սպաներ և քաղաքացիական անձիք:

Վրաստանի ԶՈւ արևելյան հրամանատարությունը նոր հրամանատար ունի - GeorgianReport.info

Նշենք, որ Ալեքսանդր Կիկնաձեն, ըստ ՊՆ հաղորդագրության, զինված ուժերում ծառայում է 1991 թվականից: Տարբեր տարիների եղել է Աֆղանստանում Վրաստանի ԶՈւ ներկայացուցիչը, Վրաստանի ԶՈւ ցամաքային զորքերի Արևելյան օպերատիվ խմբավորման (մինչև 2015 թ. ԶՈւ կառուցվածքի փոփոխոթյան մասին որոշումը ցամաքային զորքերը բաժանված էին Արևելյան և Արևմտյան օպերատիվ խմբավորումների) հրամանատարը:
Իսկ ինչ վերաբերում է գնդապետ Շավլևո Տաբատաձեին, նա զինված ուժերում է շուրջ 20 տարի: Սովորել է Վրաստանի ցամաքային զորքերի Միացյալ ռազմական ակադեմիայում (այժմ՝ Դավիթ Աղմաշենեբելիի անվան ռազմական ազգային ակադեմիան), այնուհետև Գերմանիայում: Ժամանակին եղել է ԳՇ Ռազմական կրթության և մարտական պատրաստության դեպարտամենտի ղեկավարը (J-7):
You might also like